NANGUNA sila si City Mayor Jane Yap ug City Vice-Mayor Adam Jala sa survey nga iboto sa mga Tagbilaranon sa Bohol Poll 2025 nga gihimo sa HNU Research Center.
Si incumbent Tagbilaran City Mayor Jane Yap ug incumbent City Vice-Mayor Adam Relson Jala ang nanguna sa voters preference nga iboto pagka-Mayor ug pagka-Bise-Mayor matod sa Bohol Poll 2025 survey.
Gihimo ang Bohol Poll 2025 survey niadtong Marso 6 hangtod Marso 29, 2025 ug dunay 400 respondents sa Bohol.
Gilangkoban kini sa 100 respondents gikan sa Tagbilaran, 100 respondents matag district ug margin of error sa Bohol mao anh +/-5%, Tagbilaran City, District 2 ug District 3 mao ang +/- 10%, samtang ang District 1 mao ang +/- 7%.
Si Mayor Jane Yap nakaangkon sa 54% voters preference nga modaog kon ang election himoon sa survey period batok sa ka-atbang nga si City Councilor Atoy Torralba nga dunay 25% voters preference.
Samtang, nanguna sab si incumbent City Vice-Mayor Adam Relson Jala sa Bohol Poll 2025 survey.
Si VM Jala nakaangkon sa 61% voters preference batok sa ka-atbang nga sila si kanhi Vice-Mayor Jose Antonio Veloso nga dunay 13% voters preference samtang si Cogon Punongbarangay Geneson Balbin nga dunay 10% voters preference.
Gipresentar sa publiko sa HNU Research and Publications ang Bohol Poll 2025 survey results didto sa HNU AV hall dinhe sa Tagbilaran kaniadtong Biyernes, Abril 4, 2025. (RTB)
