ANG kapolisan sa Tagbilaran City pinangulohan ni city chief PltCol John Kareen Escobar midakop didto sa Manila sa suspect nga gituohang sakop sa ‘Basag kotse gang’ sa dihang miabot sila sa tugpahanan sa Bohol Panglao International airport (BPIA) gnina sa hapon.
Giila ang suspect nga si Patrick Calvin Cruz, 30, taga-Bulacan, kinsa migamit sa laing panglang Vins Mendoza Perez, matud sa press conference uban ni Escobar, Mayor Jane Yap ug Kagawad Ondoy Borja.
Si Cruz wa la na mohatag pa sa iyang pamahayag gawas lang sa iyang edad ug sa iyang residensya sa dihang gipangutana ni Mayor Yap ban sa media.
Siya adunay laing mga ‘pending warrants of arrest’ tungod sa susamang salaod, matud sa pulis.
Si Escobar nagkanayon nga dunay upat (4) ka mga biktima sa ‘basag kotse’ dinhi sa syudad. Gi-awhag ni Mayor Yap kadtong gituohang nabiktima sa pagbisita sa police office kon gusto silang magpasaka sa mga kaso batok sa suspect.
Si Escobar midugng nga posibleng ‘robbery’ ang ipasang-at nga kaso batok sa suspect tungod sa mga nahakot niini nga mga kinawat, sama sa laptop, kwarta. Alahas ug uban pa. Kining ga kinawat nga mga butang gipakita sa pulis ngadto sa media.
Matud ni Mayor Yap nga nasulbad o nasubayan dayon sa city police ang kaso “in less than 24 hours.” (rvo w/ RT&DCR)
