SI Bise-Gob. Tita Baja mipahayag sa iyang obserbasyon nga ang pagtukod pohon sa SM Bohol makahatag sa dakong oportunidad sa trabaho ug Negosyo.
“Usa na usab ka dakong milestone alang sa Bohol. Malipayong nakig-uban sa groundbreaking ceremony sa SM City Tagbilaran, nga maghatag og daghang oportunidad alang sa trabaho, negosyo, ug kalambuan sa atong probinsya, matud ni Bise-Gob. Baja.
Kini gipalanog ni bise-gobernador Baja human sa groundbreaking sa SM Bohol nga nahimutang sa 6 ka ektaryang luna sa barangay Cogon, Tagbilaran City.
Duha (2) ka ektarya sa maong yuta mao ang pagatukoran sa tulo-ka-andanas nga building, imbes 2-ra andanas, matud sa Steven Tan, SM Supermalls president sa media interview.
Si Tan wala manuko sa pagbutyag ug nagsiguro nga 60% ngadto sa 80% ang patrabahoon sa SM kon kini mahuman na sa duha (2) tuig.
Tungod niini, nagpadayag si B-Gob-Baja sa iyang kalipay tungod sa naasoyng statement ni Tan.
“Kini nga proyekto usa ka dakong timailhan sa nagpadayon nga progreso sa Bohol, nga nagdala og mas daghang oportunidad para sa atong mga katawhan,” si Bise-Gob. Baja nagkanayon. (rvo)
