GIPAHINUMDUMAN sa batan-ong Bokal nga sakop sa Sangguniang Panlalawigan (SP) sa Bohol ang katawhang Bol-anon nga kanunay magmatngon aron malikay sa sunog nunot sa kasaulogan sa fire prevention month niining nangsingabot nga buwan sa Marso.
Si third district BM Dionisio Joseph V. Balite, mipaambit sa iyang nabasa ug kasayuran nga nakuha gikan sa Bureau of Fire Protection (BFP) nga mga tip unsaon nga makalikay sa sunog.
Lakip na niini ang pag-check sa mga LPG tank ug pagpawong sa tanang electrical equipment o pag-unplug sa mga appliances kon dili gamiton aron malikayan ang pag-overload sa electrical circuits ug dili biyaan ang mga gadget nga gi-charge.
Likayan usab ang pagpanigarilyo sulod sa balay ug dili ipataka og labay ang mga upos niini, sigon sa bise-gobernador.
Dugang ni BM Balite nga kinahanglan usab nga planohan daan ang emergency ug evacuation plan sa balay aron magpabiling kalmado panahon sa fire emergency.
Gipahinumdoman usab sa batan-ong Bokal ang katawhang Bol-anon nga motawag dayon sa otoridad panahon sa emerhensya.
Ang mga kalihokan sa fire prevention month adunay tema karong tuiga nga: “Sa Pag-iwas sa Sunog, Hindi ka Nag-iisa”.
Kahiinumduman nga matag buwan sa Marso saulugon ang Fire Prevention Month pinasubay kini sa Proclamation No. 115-A, s. 1966. (RTB)
