NAHATAGAN ang 5,082 ka benepisyaryo sa tibuok nasud og tabang medikal gikan sa P34 milyong pondo sa Philippine Charity Sweepstakes Office (PCSO).
Matod sa lokal nga buhatan sa PCSO nga nahimuntang sa karaang kapitolyo nga nahinabi ning pamantalaan nga nahatag kini gikan Abril 1 hangtod sa 23 niining tuiga.
Sumala pa sa usa ka trabahante sa buhatan nga dili lang magpaila nga ang tabang medikal ilawom kini sa Medical Access Program (MAP) diin mahatagan ang mga benepisyaryo og tabang alang sa hospital confinement, chemotherapy, dialysis, ug post-transplant medicines.
Sigon niini nga nagagikan ang pondo sa kita gikan sa PCSO games, hinungdan nga nanawagan ang tinubdan sa mga Bol-anon nga dili mutaya sa mga illegal numbers game ug anha lang gyud kini sa legal nga nagpaduwa o nagpadagan. (RTB)
