MAPASALAMATON ang kongresista sa ikaduhang distrito sa Bohol Aris Aumentado sa kagamhanan ni Presidente Rodrigo Duterte sa mga nadawat nga land ambulance units sa iyang distrito.
Sumala ni Aumentado nga dako na kini kaayo ug tabang alang niadtong mga pasyente nga nanginahanglan sa dinaliang pag-atiman nga kinahanglan dad-on alang sa emergency service.
Subay niini iyang gipahalipayan ang mga mayor ug mga provincial hospitals nga makadawat sa land ambulance units gikan sa DOH pinaagi sa GAA 2021.
Kini naglakip sa 1 unit alang sa Danao Rural Health Unit (RHU), 1 unit alang sa San Isidro RHU, 1 unit sa San Miguel Municipal Hospital, 2 units sa Garcia Memorial Prov. Hosp, ug 1 unit sa CPG Municipal Hospital.
Mipadayag sa dakong pasalamat si Aumentado kang Presidente Duterte, DOH Sec. Francisco Duque III, DOH-7 RD Jaime Bernadas, ug Cong. Agelina Tan, ang committee chairperson sa Health sa Kongreso alang sa tanang suporta sa iyang mga constituente sa Segundo Distrito sa Bohol. (RTB)
