PADAYONG gi-trabaho pa karon ang Brgy. Fatima-Ubay Port Diversion Road kon diin sa 2023 gigahinan kini og P100M, P80M sa 2024 ug P82M sa 2025.
Suma pa sa social media post ni Congw. Vanvan Aumentado dunay Bike Lane ang maong proyekto, Side Walk alang sa mga gusto mag-jogging sanglit mahimo kin inga ‘Boulevard style’.
Dugang pa niini, gibutyag ni Congw. Vanvan nga sa 2025, P190M ang gigahin arun ma-kompleto na ang Poblacion-Tapod side.
Duol na usab ang groundbreaking/turn-over sa Talibon Access/Diversion Road nga paingon sa pantalan ug ang Talibon-Bien Unido Bridge.
“Some of the funds allocated in the District are on top of our regular funds pasabot- dili pasigo ang regular nga pondo mao mangayo ug mag request gyud ta sa dagkong ahensya sa National aron madugangan pa. Dili sad tanang requests nato ilang e grant ug matubag dayon. Mao nay tinuod,” pagklaro pa sa kongresista. (Kahlil Lester O. Camba)
