GILUGWAYAN sa Land Transportation Office ang validity sa rehistrasyon sa tanang motor vehicles nga adunay plate numbers nga nagtapos sa “4” hangtod sa katapusan sa Mayo 31, 2022.
Sumala sa lokal nga buhatan sa LTO dinhi sa Tagbilaran nga ubos kini sa Memorandum Circular No. 2022-2325 nga giisyu niadtong Abril 6, 2022 sa ahensiya nga bag-o lang gi-release sa media.
Sigon sa LTO nga ang pag-isyu niini nga memorandum tungod sa padayong pagpatuman sa nationwide community quarantine, ug health ug safety protocols tungod sa COVID-19 pandemic.
Matud sa LTO nga walay penalty/surcharge nga makolekta hangtod sa Mayo 31, 2022 alang sa renewal sa registration sa maong mga sakyanan. (RTB)
