TAGBILARAN CITY, Bohol (PIA)–Labing dako og halin ang delegasyon sa barangay Jambawan human sa walo ka adlaw nga Kadiwa Ng Pangulo nga gipahigayon gikan sa Enero 13-20, didto sa Lila.
Kinatibuk-an nga P29,523 ang halin sa barangay, ang labing daku sa 18 ka barangay sa lungsod nga mitumod sa ilang mga produkto sa nahimo na nga institusyon sa pamaligya sa mga lokal nga ani og ginama nga produkto sa lungsod.
Wala usab magpa wani ang barangay barangay Calvario ug Calvario Farmers Association nga mihalin og 27,865, samtang Ang Bonkokan Ilaya nakapamaligya og 19,637.
Ang barangay Macalingan, nakapamaligya usab og 16,362 samtang ang Lomanoy, mipamaligya og 13,460.
Ang lima ka barangay nanguna sa halin sa mga lokal nga mitumod alang sa pamaligya nga nahimo na nga regular nga kalihukan, tungod sa usa ka ordinansa.
Sa mga dili taga lungsod, ang pundok sa Ubay buwak vendors ug Farmers Association, maoy top seller sa pagpamaligya sa 81,410 nga mga produkto.
Nagsunod na niining mga outsiders Ang Bohol Dairy Cooperative nga nahalinan og 6,595.
Ang Loay 4Ps associations nahalinan usab og 3,090.
Sa kinatibuk-an, mikabat sa P236,648 Ang halin nga nahipos sa 8 ka adlaw ngabpamaligya.
Ang Kadiwa sa Lila, pagsanong sa aghat sa Presidente nga himoon nga mas sayon sa katawhan ang pag-akses sa mas barato ug mas presko Nga mga produkto gikan sa umahan ug sa mga gagmay nga mamumuhunan gikan sa lungsod.
Sa abag usab sa mga ahensya sa kagamhanan, nagtinabangay ang Department of Agriculture, Department of Trade and Industry, Bureau of Fisheries and Aquatic Resources ug Social welfare and development Aron makapasulod sa uban pang suppliers sa Kadiwa. (PIABohol)
