NATINGALA ang inilang manlalaban sa kaulohan nga si ‘Tigpanalipod’ Atty. Jordan Matig-a Pizarras nganong dili man mahimo nga maapil ang Bohol sa mga venue sa Teachers, Seaman ug Nursing Licensure Exams sama sa Bar Exams.
Suma pa ni Atty. Pizarras kinsa nahuman sa iyang abogasya sa San Beda University nga ang 2024 Bar Exams gipahigayon sa Luzon, Visayas ug Mindanao.
Sa Luzon dunay upat Manila ug usa sa Dakbayan sa Baguio samtang sa Visayas didto sa Dakbayan sa Sugbo, Tacloban ug Iloilo ang testing center.
Sa Mindanao, didto sa Dakbayan sa Davao ug Cagayan de Oro ang venue.
“Nganong dili man ni himuon para sa atong mga graduates mga mukuha ug board exams para sa Nursing, Teacher ug mga seamen?,” pangutana pa ni Atty. Pizarras
“Kahibalo ko mohimo ani. Akong himuon nga ang Board Examination testing centers mag-apil sa Bohol. Igo na ang connectivity sa mga telecoms providers dinhe sa Bohol nga maka support niining maong effort.”
“Atong himuon ni para dili na mangutang o makagasto ug daku ang mga graduates ug Ilang mga ginikanan.”
“Mao na ang kanunay nga gikagul-an sa mga estudynte ug ilang mga ginikanan inig hapit na sila mo-gradwar.”
“Actually ang PRC, gahimo na ani sa lain-lain nga probinsya sa mga lain lain nga exam.Wala lang I-apil ang Bohol para sa Teachers, nurses ug seamen. Pero gihimo na para sa mga criminology graduates. Nganong dili man I-apil ang nurses, teachers ug seamen?”
“Tingale walay naningkamot para sa estudyanteng Bol-anon?,” dugang pa ni ‘Tigpanalipod’. (Kahlil Lester O. Camba)
