GISAULOG sa Kagamhaning Probinsyal adlaw’ng Lunes Nobyembre 4, ang kasumaran sa ika-128 nga natawhan sa ikawalong pangulo sa nasod nga Pilipinhon, Presidente Carlos Polestico Garcia, diin nailhan nga “Bohol’s Most Illustrious Son” ug “Father of the Filipino First Policy.”
Gipahigayon ang Wreath Laying Ceremony, didto sa CPG Park, ala-siyete sa buntag sa maong adlaw.
Gipanguluhan ni Gobernador Erico Aristotle “Aris” Aumentado ang paghalad og mga buwak isip paghinumdum sa presensya ni Presidente CPG.
Uban kang Aumentado si vice-governor Tita Virtudazo Baja, mga bokal sa Sangguniang Panlalawigan, representante sa tulo ka kongresista, mga membro sa Management Executive Board, hepe sa mga buhatan sa Kapitolyo ug mga men in uniforms sa nasudnong pangagamhanan.
Ang mga mitambong sa seremonyas mipatinghulog ngadto sa National Museum of the Philippines (NMP)-Bohol ug misaksi sa pagbukas sa Marker sa CPG Circumferential Road. Gibuksan usab ang CPG Gallery, diin makita didto ang mga mahinungdanong mga memorabilia ni Pres. CPG sama sa iyang paborito nga chess set ug chess table, bibliya nga gigamit atol sa iyang inagurasyon, ug uban pa.
Ang maong mga personal nga gamit ni CPG, gidonar ngadto sa NMP sa mga kaliwatan ni Pres. CPG nga sila si Maria Carla Josefa G. Campos, Isabel Campos Bustos ug Jose Carlos Campos.
Gipasiugdahan sa NMP pinaagi kanila ni Dir. Jeremy Barns Director General sa NMP, Jorell Legaspi Deputy Director-General for Museums-NMP ug Atty. Ma. Cecilia U. Tirol Director II Visayas National Museum ang mubo nga programa, paghatag og gibug-aton sa maong okasyon.
Sa tema nga “Pagpalungtad sa handumanan sa kinadak-ang garbo ning atong lalawigan,” gipahigayon didto sa Bohol Cultural Center, ang Commemorative Program, ug gipasidunggan sa C.P.G. Excellence Awards ang pipila ka indibidwal sa ilang talagsaon nga kontribusyon sa kalamboan sa lalawigan, isip paghinumdum sa legasiya ni Pres. CPG.
Gidumala kini sa Gobernador ug Bise Gobernador kauban ni Bokal Jiselle Rae Aumentado Villamor,ug Lucille Lagunay, Maria Carla Josefa G. Campos, representante sa kaliwatan ni Pres. C.P.G., ug Dir. Jeremy Barns.
Mapagarbuhon nga midawat sa maong CPG Excellence Awards in Education sila si Dr. Evangel M. Luminarias CESO V, ug Dr. Casiana Caberte CESO VI, samtang para sa Culture and Arts ang gitunol ngadto kang Marianito Luspo.
CPG Posthumous Award ang gipahinungod ngadto kang kanhi Bise Gobernador Dionisio Victor Balite sa iyang napulo ka tuig sa liderato ug serbisyo publiko ug para sa media ang kang Zoilo Dejaresco, Clovis Vivencio Nazareno ug Ciriaco “Boy” Guingguing, June Socorro Blanco, Fil Layao, Atty. Isabelo Sales Jr., Anzing Poquita, Ben Pingkian, Governor Erico Boyles Aumentado, Fructuso Redulla Jr., Atty. Aleckoy Lim, Nestor Daarol, Reynaldo Daro Sr., Engr. Maurito Lim, Loy Palapos, Joseph Ligan, Atty. Lim Cabatos, Lilia Balite, Nilo Sapong, Rizalino “Inday Ruping” Torralba ug Francisco Iyog.
Sa Sports, gidawat ni James Carl Nable ang CPG Award isip Robomission Champion JHS Category didto sa Italya, diin gidawat usab sa iyang coaches ang susama nga awards sila si Luciano Bargaso, Joan Bravo uban kang Generosa Castillo ug Lolita Kibir.
Pinaagi sa Education Development Center ug Provincial Treasurer’s Office, lima ka topnotchers ang midawat sa insentibo gikan sa Kagamhanang Probinsyal tungod sa ilang taas nga resulta atol sa ilang pagpailalom sa Board Examinations. Kini, mao sila si Dr. Decharon C. Mulat, (9thplacer-Dentistry)-P50,000, Maria Hazel R. Saniel (6th placer-Real Estate Appraiser)-P50,000, Alliah S. Dela Torre (9th placer Social Workers)-P50,000, John Rey Arancana, (5th Placer- Fisheries Professionals)- P75,000, ug Leziel Jucotmaya,(3rd placer-Criminology) P75,000.
Midawat sa CPG Excellence Awards ang mga scholars sa Bohol Medical Scholarship Program nga mipasar sa Licensure Examination for Physicians, nga sila si Dr. Mian Antonette Simporios, Dr. Mary Ruth Lagura, ug Dr. Glen Butron.
Nakaangkon usab si Jhul Ian Cañalita og CPG Excellence Award ug sila si Travis Deandre Malnegro, Ma. Emely Balunan, Vanessa Sarno, Airo Saldua, April Joy Alimpayan, ug Liznie Delfino.
Samtang sa laing bahin, miduyog usab sa kasaulogan ang Department of Interior and Local Government (DILG), sa kalihukan diin gipahigayon ni DILG-7 Regional Director Leocadio T. Trovela uban sa Gobernador, DILG Provincial Director Jerome Gonzales, DOST Provincial Director Vina Antopina, LMP President Fernando Estavilla ug mga mayores sa kalungsuran ang paglagda sa Memorandum of Understanding (MOU) bahin sa Star Books for Governance in every Municipality ng gamiton nila kini isip giya sa pagpadagan sa ilang tagsa-tagsa ka munisipalidad.
Gipahigayon usab ang pagtunol sa mga awards ngadto sa Lupong Tagapamayapa Incentive Awardees, Seal of Good Local Governance for Barangays (SGLGB), Seal of Child-Friendly Local Governance, ug Seal of Good Local Governance Awardee.
Sa 2024 Lupong Tagapamayapa Incentives Award 4th to 6th Class Municipality, nakuha kini sa Brgy. Cansibao, Valencia; 1st Runner-up ang Brgy. Tabalong, Dauis; ug 2nd Runner-up ang Brgy. Haguilanan, Catigbian, samtang ang LTI Awardee sa Component Cities category nakuha sa Brgy. Taloto, Tagbilaran City.
Sa 2023 Seal of Good Local Governance for Barangays (SGLGB), awardees ang Brgy. Cantiguib, Alburquerque, Brgy. Badiang, Anda, Brgy. Poblacion, Candijay, Brgy. Tambongan, Candijay, Brgy. Tubod, Candijay, Brgy. Manga, Tagbilaran City, Brgy. Pob. Centro, Clarin, Brgy. Anislag, Corella, Brgy. Cancatac, Corella, Brgy. Poblacion, Corella, Brgy. Sambog, Corella, Brgy. Basdio, Guindulman, Brgy. Candulang, Lila, Brgy. Calvario, Loay, ug Brgy. Yanangan,Loay.
Ang Seal of Child-Friendly Local Governance, nakuha ang Alburquerque-2021 & 2022, Antequera 2021, Bien Unido 2021 & 2022, Calape 2022, Catigbian 2022, Corella 2021 & 2022, Getafe 2021, Guindulman 2022, Loay 2022, Loboc 2022, Sevilla 2022, Sikatuna 2022, Tagbilaran City 2022, Talibon 2019 & 2022, Trinidad 2019 & 2022, ug Tubigon 2019, 2021 & 2022. Samtang ang Seal of Good Local Governance Awardee mao ang Munisipalidad sa Loboc.
Gipasalamatan sa Gobernador ang DILG-7 pinanguluhan ni RD Leocadio T. Trovela sa aktibo nga pagtambayayong pagpalig-on sa mga LGUs sa Bohol ug sa rehiyon.
Sa mensahe nga gipadangat ni Aumentado, gihatagan og gibug-aton niini ang pagpamalandong sa kahulugan sa pagka-Boholano ug ang pagtag-ing sa ehemplo nga gipakita ni Pres. CPG sa pagpakigbisog, taytayan sa kausaban apan mahigugmaon sa kalinaw. “It should be our responsibility to ensure that his legacy of service to the nation lives on, reflecting our gratitude for everything he has done for our province and for our country,” dugang ni Aumentado. (RTB)
