LABING menus 10 ka mga Bol-anon ang nalakip sa 3,485 nga nakapasar sa October 2024 Physician Licensure Exam (PLE) nga gihatag sa Professional Regulation Commission (PRC), gikan sa 6,600 nga mikuha sa board exams o 58.26%.
Ang mga board passers mao sila si Dr. Ma. Flores Vaño Adiong, Dr. Christian Viincent Cabaron Arcamo, Dr. Dave Matthew Marmita Dumaluan, Dr. Johanna Salve Maluenda Echiverri, Dr. Pamela Therese Alvarez Lim, Dr. Earl Dominic Mauleon Nazareno, Dr. Roselle Joy Delarmente Rosalejos, Dr. Mian Antonette Carnice Simporios, Dr. Bartolome III Salas Villamor ug Dr. Juan Rafael Reyes Ybañez.
Sa laing bahin, ang University of the Philippines-Manila adunay labing taas nga passing rate nga 96.97 porsyento o 160 sa 165 ka malampusong examinees, gisundan sa Cebu Institute of Medicine (95.31 porsyento), St. Luke’s Medical Center-William H. Quasha Memorial (95.19 porsyento), Pamantasan ng Lungsod ng Maynila (95.16 porsyento) ug University of the East-Ramon Magsaysay Memorial Medical Center (92.92 porsyento).
Ang top 10 mao sila si: 1. Isaac Edron Jones Ong, Davao Medical School Foundation (89.33 percent); 2. Rolter Lorenz Mispeñas Lee, UST (89.25%); 3. Jerickson Rodney Ngo Cua, UP Manila (89.17%); 4. Nijell Tiu Potencioso, CIM (89.08%); 5. Kiel Christian Dimaculungan Alday, UST (88.83%); 6. Ryan Delfin Parungao Encarnacion and Martin Aaron Miranda Mamangon, UP Manila (88.33%); 7. Frances Dominique Velasco Ho, UP Manila (88%); 8. Anne Corine Arellano Ramos, Far Eastern University-Nicanor Reyes Medical Foundation (87.83%); 9. Christian Lloyd Ang Loo, CIM (87.75%); ug 10. Chelseah Denise Hernandez Torres, UST (87.67%).
Si Health Secretary Teodoro Herbosa nag-awhag sa 3,845 ka bag-ong lisensyado nga mga doktor nga moapil sa serbisyo sa gobyerno.
“Sa tanan nga bag-ong Filipino physicians nga bag-o lang nakapasar sa Physicians Licensure Examinations 2024, ang akong mga pagtimbaya ug pahalipay kaninyong tanan,” matod ni Herbosa sa usa ka pahayag.
“Apil namo sa serbisyo sa gobyerno sa DoH (Department of Health). Atimanon nato ang panglawas sa publiko, pagpalig-on sa mga sistema sa panglawas, palisiya sa panglawas, financing sa panglawas.
Ang rehistrasyon alang sa pag-isyu og professional identification card ug certificate of registration himoon online sugod sa Nobyembre 25, matod sa PRC.
Matud pa ni Herbosa nga ang mga bag-ong mananambal mahimong mopili sa pag-apil sa programang ‘Doctor to the Barrios’ alang sa mga lugar nga kulang sa serbisyo-medikal.
Dugang pa niya nga ang mga ospital nga gipadagan sa DoH nagtanyag usab ug mga programa sa residency ug specialization.
Giawhag niya sila nga tabangan ang gobyerno “pagtukod usa ka sistema sa kahimsog nga angay sa mga Pilipino.”
“Ikonsiderar ang Family and Community Medicine, ang mga doktor nga makaluwas ug kinabuhi sa atong Bucas (Bagong Urgent Care and Ambulatory Service) centers, mobile primary care clinics, ug sa PuroKalusugan program,” matud pa ni Herbosa.
Ang PuroKalusugan mao ang programa sa panguna nga pag-atiman sa DoH nga nagdala sa mga serbisyo sa pag-atiman sa kahimsog nga mas duol sa “purok” (mga distrito o komunidad). (RTB)
