MITUMAW ang Bohol isip usa ka nagpalihok sa mental health initiatives ug substance use prevention, nagtakda og bag-ong mga sumbanan alang sa community resilience ug wellness.
Ang Center for Drug Education and Counseling (CeDEC) nakadawat og pasidungog alang sa Best Practices ug ang Provincial Health Office (PHO) alang sa mga inisyatiba niini sa mental health.
Gipahigayon sa Galleria Cebu sa dakbayan sa Sugbo, ang Department of Health (DOH) Region 7 mitunol sa pasidungog atol sa Central Visayas Mental Health and Substance Abuse Summit niadtong Oktubre 9, 2024.
Ang CeDEC giila usab sa ‘Gawad Kaagapay’ award alang sa mga paningkamot, kahanas, ug pasalig sa sentro sa pagpatuman sa Substance Abuse Prevention Program.
Dugang pa, ang Central Visayas Center for Health Development (CVCHD) sa DOH 7 mihatag sa Provincial Government of Bohol (PGBh) og espesyal nga citation alang sa mental health initiatives niini.
Giila ang PGBh sa pagpanguna sa mga espesyal nga inisyatibo sa kahimsog sa pangisip, nga nahiuyon sa DOH 6th Action Agenda, nga nakasentro sa “Ginhawa ng Isip at Damdamin.”
Ang agenda nahiuyon usab sa Strategic Development Framework sa Kapitolyo bahin sa accessible, inclusive, ug universal healthcare nga magsiguro sa kaayohan sa mga Boholano.
Ang dekalidad nga pag-atiman sa panglawas maghatag ug gahom sa mga lokal sa pagsuporta sa kahimtang sa probinsiya isip una ug bugtong UNESCO Global Geopark sa Pilipinas ug isip Regenerative Island.
Dugang pa, ang pasidungog mahimong i-kredito sa mental health awareness campaigns sa PHO, psychosocial support activities nga gilusad sa mga lungsod sa Bohol, ug wellness program facility, nga nahimutang sa likod sa Bohol Medical Care Institute sa J.A. Clarin Street, dakbayan sa Tagbilaran.
“Kining atong (nadawat nga mga) awards dili nato ma-achieve if walay collaborations sa atong mga partners,” said Jeanine Valerie Orig Borromeo, Mental Health Program Coordinator, during a quick interview.
Gipasalamatan usab ni Borromeo ang PGBh nga gipangulohan ni Gobernador Erico Aristotle Aumentado, kanhi PHO officer in charge (OIC), Dr. Cesar Tomas Lopez, ug ang kasamtangang PHO-OIC, Dr. Fruserma Mary Uy, sa ilang todo suporta sa implementasyon sa mga programa ug inisyatibo sa mental health.
Nagpasalamat siya sa mga local government units, mga kawani, ug mga boluntaryo nga nagsiguro sa malampuson nga pagpatuman sa programa.
Dugang pa, usa ka Memorandum of Agreement ang nagtukod sa Central Visayas Council for Mental Health, ingon nga usa ka deklarasyon sa pagpasalig sa mga kasosyo nga ahensya ug organisasyon.
Ang mga sakop sa konseho naglakip sa regional offices sa DOH-CVCHD, Treatment and Rehabilitation Center sa Argao ug Cebu City, CHR, CHED, DSWD, TESDA, PDEA, PGCA Cebu, PMHA, PAP Cebu-Leyte-Samar, Province of Siquijor, ug Cebu City.
Ang mga partner agencies nga mipirma sa commitment mao ang regional offices sa DOLE, DILG, DepEd, CNU, USC, USC-Kauban Psychological Center, CSC, DOJ, PNP, VSMMC, Americares Philippines, mga probinsya sa Bohol, Cebu ug Negros Oriental, ug mga siyudad sa Lapu-Lapu ug Mandaue
Atol sa summit, ang CeDEC sa Garcia Memorial Provincial Hospital sa Talibon nakadawat usab sa Best Practices award base sa Continuous Quality Improvement for Health Facilities. (RTB)
