800 kapin mga Solo Parents ang nakadawat og tag P5,000 pinaagi sa DSWD-AKAP program sa Tersiero Distrito.
AKAP mao ang Ayuda para sa Kapos ang Kita Program ug ang pay-out giatol sa adlawng natawhan ni Pres. Bongbong Marcos (PBBM).
Niabot sa 2,849 ang mga benes nga nakadawat og grasya ubos sa programa sa DOLE ug DSWD. 2,000 kapin ang nakadawat sa ilang mga sweldo pinaagi sa TUPAD samtang 4 ka mga asosasyon sa Mabini ang nakadawat og livelihood grant nga tag P1,588,000 kada usa.
Mapasalamaton si Congw. Alexie Tutor sa tanang lumilihok nga mahimong malampuson ang maong kalihokan ilabi na kang Candijay Mayor Thamar Olaivar sa maayong koordinasyon arun mahimong venue ang Candijay Gym.
Dugang pa niini, wala hingkalimti og pasalamat sila Pres. BBM ug House Speaker Martin Romualdez sa walay puas nga pagtabang sa iyang distrito. (Kahlil Lester O. Camba)
