MAPASALAMATON ang duha ka babayeng kongresista sa Bohol kauban ang mga ‘civil servants’ ug ‘professionals’ ngadto kang Pres. Ferdinand “Bongbong” Marcos Jr., kinsa nagsaulog sa iyang adlaw nga natawhan dili palang dugay.
Sumala pa ni CongW. Alexie ‘Kumbati’ Tutor, nga daghan ang mga maayong programa nga napahimuslan sa kadaghanan atoll niini administrasyon ni PBBM.
Kahinumduman nga si Tutor ang pangulo sa komitiba sa Civil Service and Professional Regulation sa Ubos Balay-Balauranan.
Sigon ni CongW. Kumbati nga nag-una sa mga maayong programa sa namunuan karon sa nasud mao ang mas gipalapdan pa nga mga benepisyo sa Universal Health Care Pprogram kon Philhealth lakip na ang pagpasar sa Salary Standardization 6 nga miresulta sa pagsaka sa suhulan sa mga wage hike earners.
Gilugwayan usab ni PBBM ang kontrata hangtud sa Disyembre 2025 sa mga ‘contractual employees’ sa kagamhanan.
Sigon sa kongresista nga tungod sa gihimo ni PBBM mahatagan ang Civil Service Commission sa igong panahon pag-implementar sa permaninting solusyon aron sa paghimong regular sa kasagaran nga mga empleyadong kontraktwal.
Dugang ni CongW. Tutor nga ang opurtunidad sa panarbaho ang misaka usab tungod sa pagsaka sa ekonomiya sa nasud subay sa forecasts chart nga 7% GDP expansion.
“Unemployment fluctuates depending on the quarter, but this year, it dipped to 3.1%, while underemployment is in the 9.9% to 14.6% range,” dugang pa sa kongresista.
Nakasiguro usab si CongW. Tutor nga si PBBM adunay haum o sibo nga ‘economic team’ ug progresibong polisiya aron musaka ang GDP sa nasud ngadto sa 7.5% sa dili pa matapos ang iyang termino sa tuig 2028.
Subay niini atol sa birthday ni PBBM karog bag-o, gipasalamatan niini ang pamuno-nasud kay mukabat sa 2,849 beneficiaries gikan sa third district ang nakadawat sa tabang-pinansyal gikan sa DSWD ug DOLE diin gihimo ang pay-outs sa Candijay Gym.
Ang kalihokan sa distrito ni CongW. Tutor ang dungan sab nga nahitabo sa ubang distrito ug sa Kapitolyo nga nanghatag sa tag lima ka kilong bugas humay. (RTB)
P5-M NADAWAT SA 2ND DISTRITO
Gipangulohan ni Congw. Vanvan Aumentado atol gyud sa adlaw nga natawhan ni Pres. Ferdinand “Bongbong” Marcos Jr. ang pagbubo sa 5-Milyones nga tabang alang sa iyang distrito.
Sumala sa labing una nga babayeng kongresista sa Segundo distrito nga mukabat sa 1,000 ka mga beneficiaries ang nakadawat sa tag P5,000 pinaagi sa DSWD-AKAP Program.
Naglangkob sa mga beneficiaries ang gikan sa farmers sector, fisherfolks, solo parents, Senior citizens ug ang minimum wage earner.
Gipasabot ni CongW. Vanvan nga sa mga wala kaapil duna pay mga coming pay-outs ug ang naulahi na usab ang makadawat niini.
Gipasalamatan sa magbabalaod si Presidente BBM sa iyang pa ‘birthday treat’ sa iyang mga konstitwenti tungod kay dako kini nga alibyo sa mga nagkinahanglan og financial assistance.
Lakip sa gipasalamatan ni CongW. Vanvan mao si Speaker Martin Romualdez sa way puas niini nga tabang ug sa DSWD Family nga iyang katimbang permi sa mga pay outs ubos ni Sec. Rex Gatchalian.
Kahinumduman nga simultaneous ang maong kalihokan sa duha ka mga distrito (1st & 2nd) ug mismo sa hawanan sa bag-ong Kapitolyo.
Misaad usab si CongW. Aumentado nga dili siya magmakuli sa pagpangita og pundo alang sa laing payout nga pagahimuon sa Segundo distrito diin ang mga BNS, BHW ug mga Daycare Workers na usab ang makapahimulos niini. (RTB)
