HAHAHA, kay abi nila nga mobalhin si Stephen Curry apan sa wa damha, nipirma kini ug extension sa Golden State Warriors. Matod pa niya nga ganahan siya nga hantod-hantod ra siya sa iyang prangkesa.
Samtang, si Ivica Zubac nipirma ug extension sa LA Clippers. Ang iyang extension nga gipirmahan dunay kantidad nga 58.6 milyon dolyar nga sweldo sulod sa 3 ka tuig.
Si TJ Mcconell nipirma pud ug extension sa Indiana Pacers. Siya dunay sweldo nga 45milyon dolyar sa upat ka tuig nga extension.
***
Sugdan na ang Bohol Schools Athletic Association. Bag-ong Presidente sa liga nga si Sir Artemio Gulilat excited na sa unang termino isip presidente sa maong liga.
Sugdan kani karon umaabot Septyembre 21 ug adto pagahimoon sa Mater Dei College sa Tubigon. Dungog-dungog nako nga isa sa gi-imbitar mao ang Senate Chairperson sa Sports nga si Senator Bong Go.
***
Ang Milo Marathon mobalik na usab diri sa Bohol. Kini asugdan karon umaabot Septyembre 29,2024 diri sa dakbayan sa Tagbilaran.
Ang registration adto sa BIT-International College Tagbilaran Monday-Saturday 9am-12 noon ug 2pm-6pm adto sa Old Office sa graduate school.
So mga runners,tana dagan nata!!!!
Ug mao kini sports balita karon semanaha. Daghang salamat ug maayong adlaw sa tanan!!!
