MAKIGTAMBAYAYONG ang lungsod sa Catigbian sa mga civic organizations ug mga barangay aron mahimong labi ka makanunayon ug istrikto ang pagpatuman sa balaod ug mga ordinansa sa pagdumala sa solidong basura nga sa katapusan magdala sa pagbag-o sa pamatasan nga magsugod sa matag panimalay o katukuran.
Namahayag si Mayor Abeth Mandin sa nakalabay nga adlaw nga ang pagbutang sa sistema sa pyrolysis ug kagamitan sa Central Materials Recovery Facility (CMRF) matuman sa pipila ka semana.
Sigon ni Mandin makatabang kaayo ang CMRF pagdumala sa toneladang basura nga makolekta sa lungsod adlaw-adlaw.
Nakauyon usab si Mandin nga ang matag barangay kinahanglan adunay ordinansa bahin sa pagdumala sa solidong basura ug makanunayon nga pagpatuman niini aron ang pagpalain kon segregation sa mga basura sa kabalayan mahimong maandan ug buhaton matag adlaw sa katawhan. (RTB)
