GIPAHIGAYON ang unang Bohol Youth Leaders Convention sa Bohol Cultural Center niadtong Agosto 12, 2024.
Ang maong panagtapok kabahin sa tibuok probinsya nga selebrasyon sa International Youth Day nga adunay tema: “Youth Digital Innovation for Sustainable Development”.
Ang selebrasyon gibase sa Republic Act 10742 nga nailhan nga Sangguniang Kabataan (SK) Reform Act of 2015 nga nagpalig-on sa papel sa mga kabatan-onan sa pagdumala ug Republic Act 11768 nga nailhan usab nga SK Governance Reforms and Compensation Law nga nagduso sa matag Local Government Unit (LGU). ) nga himoong holistic, inclusive, transformative, ug developmental ang kalamboan sa kabatan-onan
Ang youth leaders convention nagtigom og mga representante gikan sa Local Youth Development Councils (LYDCs), Local Youth Development Offices, Local Sports Development Offices, Youth Organizations (YO), Youth Leaders, ug sa Sangguniang Kabataan (SK).
Ang mga partisipante gikan sa LGUs sa Loboc, Garcia, Mabini, Loay, Maribojoc, Lila, Valencia, Pilar, Bilar, Dimiao, Sierra Bullones, Loon, Corella, Tagbilaran, Baclayon, Cortez, Balilihan, Albur, Antequera, Dauis, Calape, Trinidad, Ang Inabangga, Dagohoy, Getafe, San Isidro, Clarin, Bien Uniido, Danao, ug Carmen kinsa miduyog sa kalihukan
Si Gobernador Erico Aristotle Aumentado sa iyang keynote message nagkanayon, “Sa pagsugod sa atong kalihokan karon akong ipaabot ang mga kabatan-onang bol-anon maoy kaugmaon sa atong lalawigan. Kamo ang musunod nga mudumala sa atong katawhan, kamo ang nagdala sa sulo sa atong lalawigan, kultura ug kabilin na gitugyan sa atong mga kaliwat. Ug kamo ang kasiguro nga dili mawala ang mga bili or values nga maoy nagsilbing pundasyon sa atong pagkabol-anon”.
“Aron masiguro nga kamo adunay mga kahanas nga mupadayon sa mga nasugdan nga kaayuhan ubos sa akong administrasyon, kinahanglan nga magpakabana kita aron dili kamo mabiyaan sa dagan sa panahon pinaagi sa PYDO aron ipakita nga seryoso kita sa mga programa alang sa kabatan-onan ug sa paugnat sa kusog,” dugang niya
Iyang gihatagan og gibug-aton ang kamahinungdanon sa lig-on ug hiniusang kabatan-onan nga Boholano nga makatampo sa paglambo ug kalamboan sa lalawigan
Gidumala usab sa gobernador ang oath taking ceremony sa bag-ong napili nga Bohol Association of Youth Development Officers ug Bohol Association of Sports Development Officers
Gisundan kini sa pag-ila ug pagpasidungog sa 2023 Batang Pinoy ug Philippine National Games Bohol contingents inubanan sa pag-apod-apod sa cash incentives sa international ug national winning athletes ug allowances uban sa ilang mga coaches.
Sa laing bahin, usa ka plake gikan sa Weightlifting team Juniors Division ang nadawat usab ni Gobernador Aumentado agig pagpasalamat sa hugot nga suporta sa Kagamhanan sa Probinsiya.
Si Sangguniang Kabataan Provincial Federation (SKPF) President Lawrence Xavier Ancla, uban ni Bise Gobernador Tita V. Baja maoy mitambong sa maong kalihukan
Ang Panggamhanan sa Probinsiya sa Bohol, pinaagi sa Provincial Youth Development Office (PYDO), pinangulohan ni Supervising Administrative Officer Metodio Maraguinot, Jr.
Ang Bohol Youth Leaders Convention kabahin usab sa 3 ka bulan nga mas dako, mas maisog nga selebrasyon sa Sandugo sa Bohol 2024 ubos sa ‘Tapok’ stream. (RTB)
