GIBUTYAG ni Congw. Alexie Tutor atol sa kasaulogan sa adlawng natawhan ni Jagna Mayor Joseph Rañola nga naa sa maong lungsod ang mga imprastraktura nga nahisubay sa Bol-anong kultura.
Kini human gipahigayon ang Blessing ceremony sa bag-ong Balay Lungsod ug ang nindot nga Calamay Bridge.
“Naa sa Jagna ang mga Infra nga subay sa Bol-anong kultura”, pamahayag pa sa kongresista.
“It shows the culture & tradition of the Bol-anon. Simply the best, without bias kay taga tersero ko but there is no one like this for now. Only in Jagna .”
“Sulod mo sa munisipyo, pagka nindot jud. Nindot kaayo pagka plano ug trabaho. From the outside ma amaze naka, samot nig sod nimo sa sulod.”
Ang pagkahapsay ug pagka-disiplinado sa mga katawhan gumikan usab sa maayong liderato ni Mayor Rañola inabagan sa kooperasyon sa Sangguniang Bayan nga gipangulohan ni Bise Mayor Jojo Pagar. (Kahlil Lester O. Camba)
