DUGANG polis ang gihangyo sa labaw nga Bokal sa tibook Bohol Dr. Dionisio Victor A. Balite nunot sa umaabot nga pag-obserbar sa Semana Santa sugod ugma ug ning nagkaduol nga Mayo 9, 2022 National ug Local Elections.
Sigon ni Balite nga magpasalamat siyang daan kang PRO-7 Regional Director Police Brigadier General Roque Eduardo Vega kabahin niini.
Padayon si SBM Balite nga nanawagan sa katawhang Bol-anon nga mo-obserbar lang gihapon sa basic health protocols sama sa pagsul-ob og face mask ilabi na karon nga daghang mga kalihukan nga may labot sa politika.
Ang pasidaan sa labaw nga Bokal pinasubay kini sa kamatuorang naa pay pandemiya ug karon naa nasay bag-ong variant sa Covid-19 nga mao ang Omicron XE.
Nasayran ni Balite nga ang Provincial Disaster Risk Reduction and Management Council (PDRRMC) posibling modeklarar og red alert nunot sa pag-obserbar sa Semana Santa. (RTB)
