GIKALIPAY ni Valencia Mayor Engr. Dionisio Neil A. Balite, Ph.D ang pagkalakip niya isip Top performing mayor human nakakuha sila og dakong Performance Enhancement score.
Kini base sa independent assessement sa mayoral leadership efficacy sa Bohol sulod sa unang semester sa 2024 nga gihimo sa BSK Advocates for Participatory Governance and Accountability.
Kahinumduman nga si Mayor Balite naa pa lang sa unang termino nga nangalagad sa lungsod sa Valencia.
10th placer siya sa maong survey human nakakuha og 82.50%.
90% ug 1st placer si Talibon Mayor Janet A. Garcia nga gisundan ni Mayor Elvi Peter ‘Pogi’ Relampagos sa Loon (88.50%) ug 87% ang nakuha ni Tubigon Mayor William Jao.
4th place si Mayor Che Torbio Delos Reyes sa Carmen nga dunay 86% samtang gisundan ni Calape Mayor Julius Caesar Herrera ug Pres. CPG Mayor Fernando Estavilla nga nakakuha og 85.40%.
Si Mayor Estavilla ang kasamtangang LMP-Bohol chapter president pinaagi sa term-sharing agreement nila ni Buenavista Mayor Dave Duallo.
6th placer si Mayor Constantino H. Reyes sa Ubay (85%), 7th si Mayor Jose Jono Jumamoy nga dunay 84%, 8th si Getafe Mayor Cary M. Camacho (83.75%) ug tabla sila ni Mayor Joseph Rañola sa Jagna.
Tabla usab sa 9th place sila Mayor Atty. Michael Doria sa Sierra Bullones (82.90%) ug Panglao Mayor Edgardo Arcay.
10th placer usab kauban ni Mayor Balite si Mayor Raymond Jala sa Loboc.
Sa 14 ka mga mayor nga nasulod sa Top 10, 4 niini ang naa pa lang sa ilang unang termino. Sila mao si Balite, Doria, Jala ug Arcay. (Kahlil Lester O. Camba)
