MIINGON si Presidente Ferdinand R. Marcos Jr. sa nakalabay nga Biyernes (Hulyo 5) nga ang pagtukod sa Mabini-Cayacay Small Reservoir Irrigation Project sa dili madugay mahuman na aron makatabang sa pagdugang sa kita ug produktibidad sa mga mag-uuma sa Bohol.
Atol sa pag-apod-apod sa Presidential Assistance to Farmers, Fisherfolk and Families (PAFF) sa Bohol, si Presidente Marcos niingon nga ang pasilidad sa irigasyon gipaabot nga magsilbi sa kapin sa 500 ka ektarya nga yutang pang-agrikultura sa Mabini ug Alicia.
“Kinagagalak ko na ipabatid sa inyo na ang Mabini-Cayacay Small Reservoir Irrigation Project ay malapit ng matapos. Nawa ay mapapakinabangan na [nga] ito sa lalong madaling panahon, nang mabigyan ng sapat na patubig ang lampas na limang daang ektaryang sakahan sa bayan ng Mabini at ng Alicia (I am delighted to tell you that the Mabini-Cayacay Small Reservoir Irrigation Project will be completed soon. Hopefully, this would be utilized at the soonest time in order to provide irrigation to over 500 hectares of farmlands in Mabini and Alicia),” sigon ni Marcos.
Sumala sa National Irrigation Administration (NIA), ang gamay nga pasilidad sa irigasyon sa reservoir nakita nga nakabenepisyo sa kapin sa 300 ka mga mag-uuma sa Mabini lamang.
Gihatagan og gibug-aton sa Presidente ang panginahanglan sa mas lig-on nga koordinasyon tali sa nasyonal ug lokal nga gobyerno samtang ang iyang administrasyon naggamit sa usa ka kinatibuk-an nga pamaagi sa gobyerno sa paningkamot niini aron matabangan ang mga komunidad nga makabangon gikan sa krisis sa El Niño.
“Kailangan tamang-tama, maganda ang pag-trabaho natin para naman ay masabi natin na lahat ng nais nating tulong na maibigay, lahat ng mga programa na ating naisip ay nadadala natin at bawat Pilipino ay nararamdaman nila (We need to work properly and effectively so that we can tell that every assistance we would like to provide and every program we have developed is implemented and felt by every Filipino),” dugang sa pamuno-nasud.
Si Marcos nibisita sa lalawigan sa Bohol aron paghatag og nagkalain-laing tabang sa gobyerno sa mga mag-uuma, mananagat ug pamilya sa usa ka programa sa Carlos P. Garcia Sports Complex sa Tagbilaran City.
Ang Presidente mitunol sa mga pakete sa tabang sa agri-fishery, lakip na ang mga makinarya sa panguma, kagamitan sa pangisda, mga liso ug mga abono isip kabahin sa padayon nga pasalig sa Department of Agriculture sa pagpauswag sa sektor sa agrikultura taliwala sa mga hagit nga dala sa El Niño.
Human sa pag-apod-apod sa mga serbisyong suporta, si Presidente Marcos mihatag og cash assistance nga nagkantidad og PHP10,000 matag usa ngadto sa 20 ka pinili nga mga benepisyaryo gikan sa Bohol ug Cebu, ingon man ang PHP100 milyones nga hinabang pinansyal ngadto sa duha ka provincial government.
Ang Department of Social Welfare and Development nag-apod-apod usab og cash assistance nga P10,000 matag usa ngadto sa 10,000 ka mga mag-uuma ug mangingisda ubos sa Ayuda para sa Kapos ang Kita Program.
Ang ubang mga ahensya sa gobyerno sama sa Department of Trade and Industry, Department of Labor and Employment, Technical Education and Skills Development Authority, ug ang Office of House Speaker Ferdinand Martin Romualdez nihatag ug ubang matang sa tabang ngadto sa mga giila nga benepisyaryo ug mga nanambong sa maong kalihokan. (RTB)
