HANGYUON ni Congw. Alexie Tutor ang bag-ong gitudlo nga DepEd Secretary nga si Sen. Sonny Angara nga tangtangon na ang mga ‘non-teaching burden’ sa mga magtutudlo.
Kahinumduman nga gitudlo ni Pres. Bongbong Marcos si Sen. Sonny Angara nga hulip sa ni-resign nga si Vice Pres. Sara Duterte isip DepEd Secretary.
Ang maong hangyo gikan sa kapin 900,000 ka mga magtutudlo sa tibuok nasud.
Dugang pa ni Congw. Alexie, ang DOH ug DSWD na ang manguna sa mga school health ug nutrition.
Usa pa ka paagi nga masolbad ang maong yangungo mao ang ‘outsourcing’ sanglit walay igong administrative ug support personnel ang DEPED.
Ang kongresista sa Tersiero Distrito ang nagpanday sa House Bill 9913 o Health and Safety to all Campuses Act. Siya usab ang Chairperson sa House Committee on Civil Service and Professional Regulation. (Kahlil Lester O. Camba)
