NAGUOL si ‘Tigpanalipod’ Atty. Jordan M. Pizarras sa ubos nga conviction rate nga 25% lamang sa nasud.
Ang mga datus gikan mismo ni Justice Sec. Jesus Crispin “Boying” Remulla.
Dugang pa ni Atty. Pizarras sa iyang social media post sa kada 100 ka mga tawo nga gikiha sa mga Fiscal, 25 ra nila ang na-konbikto ug 75 ang nagpabiling gawasnon.
Namahayag usab siya nga kasagaran sa 75% nga wala na-konbikto mao ang dunay mga igong salapi o na frame-up lang sukwahi sa “25% conviction rate”
“Subo kaayo pero mao na ang kahimtang karon. Moangay ba ka nga magpadayon na nga sitwasyon ?”
Kahinumduman nga sa usa ka news article sa Manila Inquirer namahayag si Justice Sec. Boying Remulla.
“The country’s low conviction rate and uncertainty of punishment give criminals ‘a heyday, an easy time with the law,” suma pa ni Justice Secretary Jesus Crispin Remulla
Nakigtigum usab si Sec. Remulla kang DILG Sec. Benhur Abalos arun matuki ang mga lakang nga himuon alang sa pagpalig-on sa criminal justice system sa nasud.
Suma pa sa mga datus, sa drug-related cases pa lamang, 291,393 ka mga kaso ang giduso sukad 2016 hangtud Hulyo 15, 2022. 62,000 o 21% niini ang niresulta sa “conviction” samtang 5,753 ang gi-dismiss ug 223,579 ang ‘pending in courts or at the prosecutor level’. (Kahlil Lester O. Camba)
