GI-DISCOURAGE ang mga polis sa Bohol sa pag-post sa Tiktok ilabi na sa pagsayaw samtang naggamit sa ilang uniporme sa pulis, matod ni Col. Lorenzo Batuan, direktor sa Bohol Provincial Police Office (BPPO).
Giluwatan ni Batuan ang maong pahayag kasunod sa report gikan sa Manila bahin sa usa ka police personnel nga gisagpa og administrative sanction tungod sa pag-post sa Tiktok og dance video samtang nagsul-ob og uniporme sa pulis.
Sumala sa BPPO wala did-i ang mga police personnel sa paghimo sa mga sayaw kundi limitado lamang sa cultural presentation sa mga espesyal nga okasyon ug dili para sa social media.
Ang pag-post sa mga video sa social media gamit ang mga aplikasyon sama sa Tiktok samtang nag-duty ug nagsul-ob og uniporme sa pulis gidili ubos sa memorandum sa PNP.
Samtang nanawagan ang hepe sa Bohol Provincial Police Office (BPPO) sa tanang pulis sa Bohol nga nagsakay og motorsiklo nga magsul-ob kanunay og helmet.
Matod pa ni Batuan nga mawad-an og kredibilidad ang mga tigpatuman sa balaud kung sila mismo dili mosunod sa balaud. (RTB)
