GIPAHIGAYON niadtong Mayo 6, 2024, ang groundbreaking ceremony sa suma total P65M ka mga proyekto sa Valencia nga gipangunahan ni Mayor Dionisio Neil A. Balite, Ph.D.
Dako-dako nga P35M ang alang sa pagsemento sa kalsada sa Brgy. Omjon samtang P15M sa Anoyon-Omjon-Quezon ug P5M sa Banderahan road.
Dunay gigahin nga P5M arun ma-kompleto ang MPB sa Anas ug La Victoria ug P5M usab alang sa 1-storey, 2-classroom didto sa Anas Elementary School.
Nahitabo kini gumikan sa panaghiusa sa mga lideres sama nila Congw. Alexie Tutor, Mayor Balite, Vice Mayor Dondon Cometa, konsehales ug mga kapitan.
Sa laing bahin, gi-turnover na ngadto sa Brgy. Villalimpia nga gipangulohan ni Punong Barangay Asterio Quino ang P5M Covered Court nga gikan pa sa GAA 2023.
“We also recognize sa tabang sa atong Prov’l Gov’t thru Gov. Aris Aumentado for the 900k worth sa tambak nga gi dugang sa korte tungod lalom ang maong area; sa atong konseho sa Villalimpia sa pag gahin ug pundo para sa kural sa atong covered court,” pamahayag pa ni Congw. Alexie.
“Sa kanunay kita magpasalamat sa atong strong partner sa liderato sa Loay thru Mayor Lahar Boyet Ayuban ug sa presence sa atong VM Cubarol Jan-jan, SB Members Philip Quino, Tibbs Bullecer, Ondoy Adiong ug Wendy, Former PB Jovan Aca-ac.” (Kahlil Lester O. Camba)
