TAGBILARAN CITY, Bohol (PIA) –Dili lamang kay mogamit ra sa teknolohiya o consumer sa technology, apan mao nay mohimo niini, kini maoy damgo ni Inabanga Major Jose Jono Jumamoy alangs a ilang mga katawhan sa lungsod.
Kini human una na nga minglagda ang lungod sa Inabanga sa Memorandum of Agreement sa Department of Science and Technology (DOST) kabahin sa pagpatuman sa Innovation, Science, and Technology for Accelerating Regional Technology-based Development. (iSTART) sa ilang lungsod.
Ang Inabanga, maoy nag-una nga lungsod sa Bohol nga pormal nga nakig-sabut sa DOST nga sila mosagop sa I-START, human usab masabti sa konseho sa lungsod ang kritikal nga tampo sa siyensya, teknolohiya ug inobasyon sa kinatibuk-ang damgo sa kausaban, ilia na alang sa mga lungsod nga walay awas nga kahinguhaan sa ilang pagpa-ugmad.
Wala’y igo nga dapit suroyanan alang sa mga turista ang Inabanga, ug dili usab dagko ang iyang mga umahan nga kasaligan sa pagpa-ani sa mga pagkaon aron makatampo sa seguridad sa pagkaon sa rehiyon, matud ni Mayor Jumamoy.
Apan, nakit-an na sa lungsod ang baga nga potensyal sa mga kabatan-onan nga nagtungha sa bag-o nga Inabanga College of Arts and Sciences.
Ang tunghaan nga iya sa lungsod, nagtutok karon sa pagtanyag, dili lamang sa kasagaran nga kurso, apan ang information communication technology.
Gani, libre ang graduate program sa Bachelos or Science in Information Systems nga gidesinyo kauban sa DOST aron kahatagan ang kabataan sa katakus ug kahibalo aron makapadayon sa ilang buot himoon sa ilang kinabuhi sa natad sa information technology, matud ni Mayor Jumamoy.
Puno na ang Bohol sa mga kurso nga kasagaran maestra, criminology, midwifery, commerce, ugh also naglisud na gani og sulod og trabaho, apan wala lay daghang kompetensya sa BSIS, bungat sa mayor.
Anaa na ilang ikaduha nga semester karon, ang BSIS sa Inabanga naneguro sa de-kalidad nga edukasyon alang sa mga kabataan nga Inabangnon aron ilang makab-ot ang ilang mga damgo, saysay sa mayor.
Niini, ang DOST, nga midason sa desisyon sa lungsod nga motadlas sa BSIS, mipadayag sa suporta pinaagi sa pagtakdo sa mga eksperto sa DOST aron mapailawom ang mga magtutudlo sa Inabanga CAS sa gikinahanglang proficiency sa pagtudlo sa computer programming, saysay usab ni DOST Bohol Provincial Science and Technology Officer Vina Antopina.
Sa unang semester sa colehiyo, gitun-an na sa mga estudyanteng Inbangnon ang computer programming gamit ang Linux software, nga kasagaran maoy gigamit alang sa mga komplikadong computer programs.
Niini, damgo sa batan-ong mayor nga inay mogamit lamang sa mga computer applications ug mga duwa, ang batan-ong Inabangnon, mao nay maghimo sa mga programa nga mopadagan niini. (PIAbohol)
