GIBUTYAG sa Bol-anong assistant secretary sa departamento sa agrikultura sa Visayas Island Atty. Salvadpr Diputado nga nakatutok ang sektor sa agrikultura sa paghimo og usa ka masterplan sa agrikultura ug pangisdaan nga imprastraktura ug mekanisasyon alang sa tuig 2022-2027.
Sumala pa ni Asec. Diputado nga tumong sa masterplan nga adunay usa ka holistic nga pagpamuhunan alang sa pagpalambo ug paghimo sa modernisasyon sa sektor sa agrikultura sa Central Visayas.
Gipasabot sa opisyal nga mamahimo kini pinaagi sa pagpalihok sa pagbag-o sa mga sektor sa agrikultura ug pangisda ngadto sa usa ka moderno ug industriyalisado nga powerhouse sa ekonomiya.
Dugang ni Asec. Diputado nga natapos na ang orientasyon parti sa rehiyonal nga pagplano ug mga kalihokan sa pagpangandam nga gihimo sa DA-7 Regional Agricultural Engineering Division (RAED) aron maandam ang mga local government unit alang sa mekanismo niini nga programa. (RTB)
