MAGPABILIN ang presensiya sa kapulisan ilabi na diha sa kadalanan taliwa sa kainit sa panahon sanglit tumong gyud sa Police Regional Office (PRO)-7 nga magpabilin ang kahapsay ug kalinaw sa rehiyon siyete.
Gipasabot ni Police Lieutenant Colonel Gerard Ace Pelare, tigpamaba ni PRO-7 Regional Director Brigadier General Anthony Aberin nga dili pwede nga dili mo-duty ang usa ka polis tungod sa kainit sa panahon.
Midugang sab ang opisyal nga naa ang Regional Medical Dental Unit (RMDU)-7 nga regular nga nag-atiman sa panglawas sa mga PNP personnel 24- oras sulod sa pito ka adlaw.
Gipahinumdoman sab ang kapulisan nga kanunay moinom og tubig ug sigurduhon nga physically fit.
“Gi-expect nato nga anga atong kapulisan maka withstand sa init karon sa panahon and they should prepare themselves but of course we would like to remind them that we are now experiencing mura og dili usual nga kainiton, in fact there are classes which are diverted into online ang uban blended, the police will still be on the ground, we will still do our work as usual only that we remind our police officers to hydrate, to drink water and of course to make sure they are physically fit,” ni Pelare.
Si Pelare miingon nga kadtong mga polis dunay gipamati sa lawas unya dunay rekomendasyon sa doktor nga dili angay ibutang sa risgo nga trabaho hatagan og laing assignment. (RTB)
