GIPADAYAG sa ikaduhang labing-labaw nga opisyal sa Bohol nga subling hunahunaon sa dili pa mag-adopt online tungod kay kini susama ra sa child-trafficking.
Kini ang bug-at nga pasidaan nga gipagawas ni bise-gobernador Dionisio Victor A. Balite, Ph.D sa mga prospective adoptive parents human sa pagdaghan sa mga account sa social media nga nagpadali sa online legal adoption.
Sigon ni Balite nga sa mga malambigit sa online adoption pinaagi sa Facebook, usa kini ka child trafficking ug kalapasan sa R.A. 9208 kon Anti-Trafficking in Persons Act of 2003.
Gipasabot sa bise-gobernador nga ubos sa balaod, kadtong mapamatud-an nga sad-an sa mga qualified trafficking mabilanggo sa tibook kinabuhi ug dunay multa gikan sa P2 milyon hangtod sa P5 milyones.
Subay niini, nanawagan si Balite sa tanang mga Bol-anon nga modool lang gyud sa DSWD kon gusto nga mag-adopt sa usa ka bata kay sila lang ang bugtong ahensiya sa kagamhanan nga gihatagan sa katungod aron maka-proseso sa saktong pamaagi nga makabaton ug anak ilabi na niadtong wala gasahi sa Ginoo og anak. (RTB)
