NAMATAY na si kanhi Bohol governor Atty. David B. Tirol pasado alas 8:25 sa gabii, kaniadtong Marso 16, 2022 sa edad nga 88.
Kini ang gipahibawo sa pamilya sa kanhi governor pinaagi sa iyang anak nga si Leah Tirol Magno pinaagi sa social media.
Sa pagtaliwan sa kanhi gobernador, diha sa iyang kiliran ang iyang pamilya pinangulohan sa iyang asawa nga si kanhi Board Member Amalia Tirol, mga anak ug mga apo.
Gawas sa pagka gobernador, nahimo usab si Tirol nga congressman sa 2nd district sa Bohol. Si Tirol, naila nga usa ka “political wonder boy” sa Bohol politics gumikan sa iyang pagka undefeated.
Siya nagsilbe nga second president sa University of Bohol ug gi-instalar niadtong 1998. Nahimo usab siya nga city councilor sa Tagbilaran.
Ang iyang haya gipahiluna sa Tirol residence sa Cainget Drive, Booy, Tagbilaran City ug ang public viewing hangtud lang karong adlawa. (RTB)
