SA NBA, si coach Greg Popovich gikuha ang microphone kay dunay mensahe sa mga Spurs fans samtang padung mo itsa ug free-throw ang kanhi Spurs player nga si Kawhi Leonard. Kini mao ang giingon ni coach Pop ngadto sa mga Spurs fans, “Can we stop booing and let the guy play? That’s not who we are”.
***
Si Lebron James, nalagpasan na si Vince Carter isip ika-pito sa listahan sa pag-itsa ug 3pts. Si James karon dunay 2,291 ka threes sa iyang karera.
Samtang, ang Orlando Magic nidaog batok sa Denver Nuggets sa iskor nga 124-119. Sa tabang ni Franz Wagner nga dunay 27pts.
Ang Charlotte Hornets nidaog batok sa Washington Wizzards sa iskor nga 117-114. Sa tabang ni Lamelo Ball nga dunay 34pts.
***
Tanang athlete nga niduwa sa Hangzhou China tagaan ug insintibo. Nagkantidad ug P41 milyon ka pesos ang madawat nila gikan sa gobierno. Mismo si PBBM ang mohatag sa maong insintibo adto sa Rizal Memorial Coliseum sa Manila.
Sa natad sa boksing, si Tyson Fury makigsukli-ay na ug kumo batok kang Usyk para sa undisputed heavyweight karong umaabot Pebrero 17 sa sunod tuig. Matod pa sa source, nga kini unta nga skedyul, pagahimoon kini karon Disyembre pero gi-usob ang skedyul tungod sa nahitabong sukli-ay ug kumo ni Francis Ngannou nga UFC star.
Ug mao kini ang sports balita karong semanaha. Daghang salamat ug maayong adlaw sa tanan.
