GI-GRANT sa Regional Trial Court ang Mandamus Petition ni Atty. Jordan M. Pizarras nga nagmando sa CENRO nga i-release ang mga dokumento mahitungod sa pagpamutol sa mga punuan sa acacia sa Tagbilaran.
Ang korte pinaagi ni Judge Rufo U. Naragas ni-grant sa Motion for Reconsideration (MR) nga giduso ni Atty. Pizarras ug co-petitioner nga si kanhi Tagbilaran City Mayor Dan Lim.
Kini human sa MR nga giduso ni Pizarras ngadto sa Korte arun ipa-release ni CENRO OIC Elena G. Suarez ang mga naasoy nga mga dokumento.
Naglakip kini sa Private Tree Plantation Registration (PTPR) No. 02-2023-0027, Private Tree Plantation Registration (PTPR) No. 02-2023-0028, Private Tree Plantation Registration (PTPR) No. 02-2023-0029, Map Showing Location of the Private Tree Plantation Owned by Forestview Realty & Development Inc. located at Barangay Taloto, Memorandum, Department of the Environment and Natural Resources Community Environment and Natural Resources Office for: The OIC-CENR-Officer DENR-CENRO Tagbilaran Thru: The Chief LDPL/RPS, DENR_CENRO, Tagbilaran, Date: December 14, 2022.
Ang Pilipinas Shell, usa ka dakong oil company nigamit sa PTPRs nga giluwatan sa CENRO ngadto sa Forestview arun ma-justify ang pagpamutol sa gatus-ka-tuig kapin na nga mga punuan sa acacia.
Giangkon kini sa mga representante sa Shell atol sa Public Hearing nga gihimo sa Sangguniang Panlalawigan kaniadto.
Ang maong mga punuan gipananum pa kaniadto sa panahon sa American colonial government pinaagi sa Bureau of Public Works.
Niuyon ang Korte sa kang Atty. Pizarras nga illegal ang pagpamutol sa 4 ka mga punuan sa Acacia nga kalapasan sa Section 16 in relation to Section 15 (a) of the 2007 Revised Code of Administrative Ordinances of the City of Tagbilaran nga nag-adopt sa acacia isip “strength and endurance of the city”.
Ang Korte namahayag nga ang pagpamutol sa mga punuan “along public roads” pagasilotan nga gi-base sa Presidential Decree No. 953.
Nimando ang RTC ngadto kang CENRO OIC Suarez nga hatagan og kopya si Atty. Pizarras nga gihinganlan sa maong Motion. Ang maong mga dokumento makatabang sa pagsuta kon kinsa ang nagpaluyo sa illegal nga pagpamutol. (Kahlil Lester O. Camba)
