MAPASALAMATON si 2nd district Congw. Vanvan Aumentado sa P3.5M nga gibubo alang sa programang TUPAD sa Dept. of Labor and Employment.
Ang maong pundo gikan sa buhatan ni Senate Majority Leader Joel Villanueva nga makatabang og dako sa 824 beneficiaries sa Segundo Distrito.
Ang panginabuhian sa katawhan maoy usa sa mga gihatagan og pagtagad ni Congw. Vanvan sa iyang distrito sanglit dili ikalimod nga dako ang epekto niini gumikan sa pandemya.
Walay labot pa niini ang ubang mga pundo nga nidagayday sa Segundo Distrito pinaagi sa AICS sa DSWD, imprastraktura ug panglawas.
Dunay mga designated “point persons” kada lungsod arun sayon na lamang sa mga aplikante sa maong programa. (Kahlil Lester O. Camba)
