GISUGYOT ni kanhi CDA Administrator ug karon Marcoleta Sagip Movement (MSM) Head for Political Affairs Benjie Oliva nga mas hapsayon ang traffic management sa Dakbayan samtang mas striktohon pa ang enforcement niini.
Dugang pa niini, ang flexible time sa mga traffic enforcers ang gikinahanglan ilabi na sa peak hours (6:00-8:00am ug 5:00-7:00pm).
Giila usab ni Oliva ang mga choke point sama sa intersection duol sa Brgy. Hall sa Dampas, Mansasa-Dauis Junction, Tamblot-Camp Dagohoy Junction ug ang City Hall-McDonalds Junction.
Namahayag si Oliva nga mas maayo nga maghimo sa mga public parking spaces ug wagtangon na ang naandan nga parkingan ang mismong mga kalsada.
Nasuta sa pipila ka mga yanong katawhan kadaghanan sa mga gi-renew business permit sa business establishment walay saktong parking area.
Giklaro ni Oliva nga kining tanan dili pamolitika sanglit ang iya lamang puros pagpakabana ug panginlabot lamang.
Dunay mga higayon nga mapasalamaton si Oliva kang Mayor Jane Yap sama niadtong paspas kini nga niaksyon sa traffic area tungod sa Causeway.
Maghinaot lamang suma pa niya “consistency” sa implementasyon sa traffic rules. (Kahlil Lester O. Camba)
