ANG social media nahimo ng pinuy-anan sa kabatan-onan karong panahona. Sama sa katunga sa ilang kinabuhi nakapokus na niini.
Kini ang ngitngit nga impluwensya sa modernong teknolohiya sa paglambigit sa social media gamit ang mga gadgets, cellphones ug uban pa nga gipaandar sa kuryente ug internet. Nahimo o mahimo usab silang “unproductive” dili lang sa panimalay apan lakip sa ilang pagtuon. Ug makadaot usab sa panglawas ang sobrang oras nga igugol niini.
Daghang bati nga epekto ang social media sa pisikal nga aspeto, hunahuna ug kaugmaon sa kabatan-onan. Gani, daghang nabiktima sa social media ilabina ang kababayen-an nga makigkita sa dili pa kaila sa personal nga mga kalalakinhan ug moabot sa punto nga ma-rape o patyon.
Ang uban usab hapit na lang magpakita sa dili angay ipakita nga parte sa ilang lawas bugti sa mga likes ug reactions o pagdayeg. Buhaton ang tanan aron mosikat.
Kini ang importanteng isyu nga gihatagan og gibug-aton sa sikat nga aktor nga si Albert Martinez.
“Ginikanan tudlo-i ang inyong mga anak sa proper etiquette sa Social Media,” aghat ni Martinez.
Gipadayag sa aktor nga si Albert Martinez nga dili siya komportable kabahin sa mga babaye nga makitang nagbikini sa social media bisan og wala kini sa beach, matud sa taho sa Philippine Star.
Matud pa nga si Albert niingon nga dili siya komportable niini tungod kay aduna siyay mga anak nga babaye.
“Isa pang hindi ko masyadong gusto with social media is that I see more women posing in two-piece bikinis even if it’s not summer, even wala sa beach. I have daughters and I feel not comfortable with it. Parents should teach their children that social media is not the life…,” matud ni Martinez.
“Maybe social media can enhance your career if you want to hit a goal. Promote yourself based on what you wanna be in your career. For example, you’re a good architect, post it. Show your work. You’re a good painter or you’re a good mechanic. It enhances your goal in life…,” dugang pa sa beteranong aktor.
“But for social media to become your life, you’re addicted to likes, you’re addicted to subscriptions, it eats you up as a person,” matud pa ni Albert sa usa ka interview. Giklaro hinuon niya nga iya lamang kining opinyon.
Ug dugang pa dili usab siya komportable sa mga tawo nga magpagawas sa ilang kasagmuyo ug kaguol sa social media.
“Kanya-kanyang opinion ‘yan. Maybe that’s their way of release hot air or something but for me, personally, I don’t want to say I’m against but it’s my opinion,” matud pa niya.
“Siguro hindi na dapat ‘yung mga angst ninyo with your family, with your neighbors is ilalagay mo sa social media. But I know a lot of people who (do) that,” dugang niya.
Ang maong mga hunahuna ni Martinez anaay unod ug angay puy-an sa dayag nga kinabuhi dili lang sa mga batan-on apan sa tanan.
Sa mga ginikanan, pahinumdomi ang inyong mga anak nga ang ilang kinabuhi dili ipauyon sa kon unsa ang uso sa social media. Kay dili tanang uso ug sikat angayang sundugon. Pahinumdomi sila sa pagbaton og maayong pamatasan sa social media.
Kining lindog: ‘Tingog sa Kabatan-onan’, abli sa inyong mga sugyot ug komento. Mamahimo kana ninyong mapaabot pinaagi niining akong numero 09638753562 o pinaagi sa akong Facebook ug Messenger account: Wilson Auguis Subrio.
Modawat lamang og seryoso ug dili binuang. Mag-amping kita, mga Bol-anon!
