APROBADO na sa committee level ang sugyot balaudnon nga gipanday ni 2nd district Congw. Vanvan Aumentado.
Mao kini ang House Bill No. 3440 o “An Act Establishing a Regular Department of Foreign Affairs Office (DFA) Consular Office in Bohol, Appropriating Funds Therefore and For Other Purposes”.
Nahuman na ang 1st Reading niini sa Plenaryo suma pa kang Congw. Aumentado. Malaumon ang kongresista nga maaprobahan kini sa Senado sanglit dako man ang ikatabang niini sa mga Bol-anon nga dili madako ang balayrunon.
Dugang pa niini, dunay gikatakdang Mobile Passporting/Passport on Wheels sa Bohol nga gipanghingusgan ni Gob. Aris Aumentado.
Sa laing bahin, ipahigayon ugma, Mayo 29 ang “Meet and Greet” ug Motorcade ni Miss Supranational Philippines 2023 Pauline Cucharo Amelinckx.
Nibisita si Pauline Cucharo Amelinckx didto sa Ubos Balay Balauranan nga uban nila Miss Universe Philippines 2023 Michelle Dee, Miss Charm Philippines 2023 Krishna Gravidez, 1st runner up Christine Opiaza ug 2nd Runner up Mary Angelique Manto. (Kahlil Lester O. Camba)
