GI-TURNOVER na ngadto sa mga benepisaryo ang duha ka balay nga subay sa (LAB) o Libreng Alagad ug Balay program ni BPPO Director P/Col. Lorenzo Batuan.
Gikan sa Lapacan Sur, Buenavista nga si Rewin Calago ang unang recipient samtang ang ikaduha mao si Timotea Cortes taga Sitio Tagaonan, Poblacion Norte, Carmen.
Sa laing bahin, dunay lahi nga turnover ceremony usab sa benepisaryo didto sa Loon.
Mapasalamaton kaayo sa kanunay si Congw. Vanvan Aumentado ngadto nila Provincial Dir. Col. Lorenzo Batuan, Lt. Col. Norman Nuez, P/Capt Edcel Petecio (hepe sa Buenavista PNP), P/Maj Sam Dacull0 (hepe sa Carmen PNP) ug sa uban pang nakatabang nga magmalampuson ang maong proyekto.
Kahinumduman nga sa mga nangaging buwan, nitunol sila Gob. Aris ug Congw. Vanvan Aumentado sa personal nilang tabang alang sa maong katuyuan nga P210,000.
Gigamit ang maong pundo sa katukuran sa 3 ka balay nga dunay P70,000 kantidad kada usa. (Kahlil Lester O. Camba).
