ANG presyo sa gasolina, diesel, kerosene ug lpg (liquified petroleum gas) kanunay nga nagtuyatuya, wala gayoy piho ug tukmang kantidad. Kini nga kahimtang nakahatag ug walay tin-aw nga direksyon sa kasulbaran ilabi na kon maghisgot ug inflation. Ang epekto niini mao ang pagsaka-kanaug usab sa presyo sa mga nag-unang palalliton. Apektado ang pamasahi sa mga sakyanang pampasahero-an. Mosangpot usab kini ug awhag sa usbaw nga pletihan. Magtakodtakod ug mokanitkanit ang magpanghitabo ug kalihokan. Nagkihanglan kini ug lakang ug kasulbaran. Usa sa mga gihimo mao ang pagdaginot sa itubil, ipacheck-up ang makina sa sakyanan ug ang uban mogamit ug fuel conditioner.
Aron dugang nga makadaginot, angay nga masayran ang mahitabo sa pagsunog sa gasolina ug diesel diha sa makina. Ang pagsunog usa ka proseso. Panahon sa paghaling, adunay kahigayonan nga dili kompleto ang pagkasunog. Ang dili kompleto nga pagkasunog mosangpot sa incomplete combustion. Kon pananglit anaa lamang sa 60% ang pagkasunog, buot ipasabot niini nga sa usa ka litro nga gitubil, 0.60 litro lamang ang nagamit sa makina ug ang wala nasunog 0.40 litro. Mahimong mopuot lamang ug dili ba, moaso. Ang aso dili makapa-andar sa makina, hinuon makapalyado kini, makadugang sa anuos ug hugaw sa piston niini.
Nahurot ang imong gitubil, apan gamay ra ang gidagan sa usa ka litro. Kon maayo ang pagkasunog sa gitubil, taas ang madagan sa usa ka litro. Maoy hinungdan nga gikinahanglan ang usa ka fuel conditioner aron nga mas taas ang combustion efficiency. Aduna kitay produkto nga makapataas sa combustion efficiency. Usa kini ka tableta. Ang usa ka tableta mahimong isagol sa 70 litros nga gasolina og diesel. Makapahimo kining 90% combustion efficient. Dili kini makadaut sa makina kay adto lamang kini moepekto sa imong itubil. Kon mahimong 90% efficient, pila ka kilometro ang tinuod nga daganon sa imong usa ka litro? Pilay imong madaginot nga kantidad?
Makadaginot ba gayud? Makadaginot. Atong itinamban pagpasabot. Pananglit motubil kita ug 10 ka litros matag adlaw.. Ingnon na lang nato nga tag P70 ang litro. Sa usa ka adlaw mogasto ug P700. Kon mogamit kita ug tableta (fuel conditioner), makaminos ta ug P280 (40%). Sa usa ka buwan (30 ka adlaw), moabot kini ug P8400. Ang imong itubil sa usa ka buwan 300 litros. Mahimong makadiscount ka sa imong tabletas kay mapallit ra man ni nimo ug tag P196 kada usa. Ang usa ka tableta ikasagol ug 70 ka litros, (4.25 ka tabletas kada buwan bali ug P833). Makadaginot ka ug P7567 matag buwan sa imong itubil. Kon aduna kay 10 ka sakyanan nga nagbyahe matag adlaw?
