NIDASIG ang Department of Social Welfare and Development Central Visayas sa mga pamilyang naa sa listahan nga gipangpaskin sa ilang mga lugar sa pag-andam sa ilang mga dokumento alang sa Pantawid Pamilyang Pilipino Program (4PS) registration.
Ang mga naa sa lista ipaagi pa og validation ug dili pa maoy pinal nga mahimong benepisyaryo sa programa.
Ang mga dokumentong gikinahanglan naglangkob sa marriage certificate, birth certificate, school enrollment certificate, health enrollment certificate, valid identification card ug uban pa nga mga dokumento nga makasuporta niini.
Ang mga pamilya nga naapil nagagikan sa listahan database ug sila ang puli niadtong mga 4Ps nga ni gradwar o nihawa na sa programa.
Gipahibalo usab sa DSWD-7 nga dili na moadto sa validation ang mga kanhing na monitored children sa 4Ps nga nakabenepisyo na sa programa.
Ang mga naapil karon sa lista mao kadtong posibleng mamahimo pang bag-ong benepisyaryo sa 4Ps. (RTB)
