GIPAALERTO karon sa Police Regional Office (PRO) 7 ang tanang police stations sa rehiyun-7 nunot sa nagsingabot nga founding anniversary sa New People’s Army (NPA) sa Disyembre 26, 2022.
Matod sa PRO 7, walay gideklarar nga cease fire ang gobyerno ning tuiga nunot sa kasaulogan sa Pasko, sukwahi sa nanglabay nga mga katuigan.
Wala may nadawat nga intelligence information ang PRO-7 nga molusad og pagpangatake ang mga rebelde apan, dili angayan nga kompiyansaan tungod kay daghan na nga mga insidente nga adunay himuon ang NPA panahon sa ilang anibersaryo.
Tungod niini, gimandoan sa PRO-7 ang mga provincial director sa upat ka mga lalawigan nga molusad og checkpoints ug target hardening. (RTB)
