GIHIMO ang turnover sa 10 ka mga bangka didto sa Nahawan, Clarin nga gikan pa sa PLDT& Smart Foundation.
Ang maong kalihokan gisaksihan ni 2nd district Congw. Vanvan Aumentado, Clarin Mayor Eugene E. Ibarra ug si Miss Dalareich Pulot.
4 ka mga beneficiaries ang gikan sa Ubay, 3 sa Panglao ug 3 usab sa Tubigon.
Si Manny V. Pangilinan ang nanag-iya sa TV5 nga nipahigayon sa media coverage sa maong kalihokan samtang mapasalamaton usab sila sa PLDT & Smart Foundation nga gipangluohan ni Esther Santos.
Suma pa sa tinubdan, si Jovencio Infanso naila isip mayo mogama og mga bangka sanglit tua nagpagama ang mga donors sa bangka sa tag P70,000 ang kada usa.
Usa ang Clarin sa mga lungsod kusganong nisuporta kang Congw.Vanvan Aumentado nga niresulta sa daghang mga kaayohan ang gibubo sa maong lungsod.(Kahlil Lester O. Camba)
