MENSAHE sa amahan sa Bohol niining panahon sa pasko nagsentro sa mga kabatan-onan ug naghagit usab kini nga magpakabana ngadto sa ilang isigka batan-on ilabi na kadtong mga natumpawak sa kaalautan.
Hagit ni Gobernador Aris Aumentado sa mga kabatan-onan nga magserbisyo sa ilang isig ka batan-on sa pagduol ug pagpangita sa ilang isig ka batan-on nga nisimang ngadto sa lain nga dalan.
Malaumon si Aumentado nga niining panahon sa kapaskuhan, ang kabatan-onan kinahanglan susama sa balaan nga batang Hesus nga mapaubsanon ug bukas sa kabubut-on sa Dios.
Subay niini, ang gobernador kauban sa iyang kapikas nga si Kongresista Vanvan Aumentado nipaabot sa ilang panimbaya sa usa ka malipayon nga pasko 2022 ug mapasalamaton sa tanang grasya nga gihatag sa Ginoo nga puno sa pagdayeg ug pagbati sa pagkatawo niini.
Awhag sa labaw nga opisyal sa Kapitolyo dili lang sa mga batan-on sa pangidaron apan lakip na sa tanan nga bisan sa unsang mga klase-klase nga pagsuway ilabi na niining panahona dili unta ang katawhan mawagtangan sa pagsalig kang Hesukristo tungod kay anaa kaniya ang tinood nga kalipay. (RTB)
