ANG Department of Health (DOH) nagpasiugda og laing hugna sa National Vaccination Days aron dasigon ang mas daghang tawo sa tibuok nasod nga magpa-booster shot batok sa COVID-19.
Sa usa ka interbyu sa telebisyon, si DOH officer-in-charge Maria Rosario Vergeire niadto miaging semana nagkanayon nga ang gobyerno nagtakda og tulo ka adlaw nga nasudnong pagbakuna aron mas daling makuha ang COVID-19 jabs.
Matud pa ni Vergeire nga gipalapdan sa gobyerno ang paningkamot aron daghang mahatagan sa unang booster shot, ug karon adunay 19,000 kapin ka mga lugar sa pagbakuna sa tibuok nasud.
Gitakda ang Bakunahang Bayan gikan sa Disyembre 5 hangtod 7 aron madasig ang daghang mga tawo ug himuon ang mga bakuna nga mas dali makuha sa mga komunidad.
Gidugang niini nga ang gobyerno naghatag sa mga panguna nga bakuna sa tanan nga mga indibidwal nga lima ka tuig pataas, una nga booster shot sa tanan nga 12 anyos pataas ug 2nd boosters alang sa mga senior citizens, health care workers ug kadtong adunay comorbidities ug immuno compromised.
Gibutyag ni Vergeire nga bisan pa sa mga paningkamot sa gobyerno, daghang mga tawo ang nagduha-duha sa pagkuha sa COVID-19 jabs. Apan iyang gipasiugda ang panginahanglan alang sa mga tawo nga makakuha sa COVID-19 booster isip dugang nga proteksyon, labi na karong panahon sa kapaskuhan.
Matud pa nga ang departamento sa panglawas nagduso sa pagpasa sa gisugyot nga Center for Disease Control Law aron mahimo ang pagpatuman sa padayon nga pagtubag sa COVID-19, bisan kung matapos na ang nasudnong state of calamity sa katapusan sa tuig.
Apan kung dili mapatuman ang gisugyot nga lakang, si Vergeire nagkanayon nga ang DOH mohangyo og tulo ka buwan nga extension sa state of calamity. (ECB/PIA7 Bohol)
