NIPAHIBAWO ang PAGASA nga makasinati og mas bugnaw nga panahon sa umaabot nga mga buwan sa pagsugod sa hanging Amihan o Northeast Monsoon.
Kini base sa obserbasyon nga anam-anam nga mibugnaw ang surface air temperature sa amihanang-sidlakang bahin sa Luzon sugod sa nakabalabay nga semana.
Sumala pa ni Engr. Donald Vega sa Bohol weather company nga ang northeast wind flow lauman nga madomananti sa Northern Luzon nga magdala sa bugnaw nga hangin.
Samtang, si Vega nagkanayon nga ang northeast monsoon, inubanan sa La Niña, mahimong hinungdan sa pagbaha, ug pagdahili sa yuta sa mga delikadong lugar.
Gitambagan niini ang publiko ug pipila ka ahensya sa gobyerno nga magmabinantayon aron mamenosan ang posibleng epekto sa maong mga panghitabo. (RTB)
