PAMUHUNAN sa kabatan-onan, kini maoy direksyon nga girumbo sa Bien Unido, aron sa pagpaneguro nga may saktong kapasidad ang mga makagunit pohon sa pagpadagan sa lungsod.
Sa bag-o lang nga gitapos nga Grassroots Sports Clinic, malipayon nga gitaho nila SB Members John Felix L. Garcia, Rosemarie Arcenal Boniel, nga daghan na nga kabatan-onan ang nakaapil sa libre nga pabansay alang sa basketball ug volleyball sa lalaki ug babaye.
Gawas pa, gi-ugmad usab sa mga tinugyanan sa lungsod ang potensyal sa mga kabatan-onan sa musika ug pagpintura, pinaagi sa pagmugna sa child-friendly nga duwaanan nga may mural painting na karon.
Matud ni Human Resource and Management Officer Wilson Hoylar, gawas nga kining mga kalihukan magpalikay sa mga kabatan-onan sa bisyo ug dili maayo ug way hinungdan nga buhat, ang mga makabaton og abilidad kasagaran may ikasarang aronmolampus sa kinabuhi.
Mikuha gyud ang lungsod og mga tigbansay o trainors aron mapahiluna ang pagpadagan sa mga programa. Daghang salamat sa suporta nila ni Mayor Rene Borenaga ug Bise Mayor Renato Hoylar, nagmalampuson ang kalihukan nga bag-o lang nato nga gitak-opan, duhang sa HRMO sa lungsod.
Sa laing bahin, ang buhatan sa Municipal Social Welfare and Development pinaagi ni Lumila E. del Rosario, mipalubad usab sa laing kalihukan nga gilauman nga apila sa mga nabansay.
Kini kabahin sa kasaulogan sa Linggo ng Kabataan.
Ang Linggo ng Kabataan 2022, maghighlight sa pa-indigay sa labing maayong Balitaw, pagkablit sa gitara dungan sa pagkanta, ug dinungan nga sayaw sa daghang moapil (mass dance)
Bukas ngadto sa mgakabataan sa Bien Unido ga nagpanuigon og 15-30 ng asakop sa Sangguniang Kabataan (SK) ang mga pagbangga sa mga nahisgutang talent hukman ug ang premyo, moabut sa P3 mil, P2 mil, P1 ka lino ug P500 sa consolation.
Ang sa balitaw, ang moapil magsubay sa Pasayawa ko Day nga tugtog, kinahanglang dili law-ay, samtang alang sa paggitik sa gitara ug pagkanta, ug ang modaug makadawat og P2Mil, P1.5 mil ug P1 ka libo samtang may P300 nga consolation prize.
Alang sa massdance, ang grupo kinahanglang moabut sa 12 ngadto sa 15 ang labing daghang sakop, mosayaw sa tugtog nga mabunotan ug mahimong mogamit sa mga props basta lamang dili kini delikado alang sa uban.
Modawat sa P8 mil, P6 mil, P4 mil ang unang tulo ka pwesto samtang makadawat og us aka libo sisp consolation prize. (rahc/PIA-7/Bohol)
