NAGPABILING gawasnon sa monkeypox ang Bohol human nagnegatibo ang dos anyos nga batang lalaki gikan sa lungsod sa Pilar kinsa unang gidudahang nataptan sa maong sakit.
Kini ang gikompirmar ni assistant provincial health officer Doctor Yul Lopez human ang Department of Health una nang mitaho nga usa ka Boholano ang usa sa duha ka gidudahang kaso sa monkeypox sa Central Visayas.
Sigon ni Lopez nga ang Bol-anong gi-refer sa DOH7 nga ‘suspect’ sa Monkeypox gi-test pero negatibo ang resulta.
Gipasabot ni Lopez nga sa personal nga kahimtang sa bata dili talagsaon tungod sa mosunod nga mga rason. Dos anyos pa lang siya, nagpuyo sa Pilar, Bohol ug walay history sa pagbiyahe, ug ang mga samad sa panit lagmit tungod sa chickenpox o skin irritation o allergy sa injection needles o uban pa.
Una niini, si Regional Epidemiology Surveillance Unit (RESU) 7 cluster head Dr. Eugenia Cañal nipahibawo usab nga duha ka gidudahang kaso lakip ang usa sa Bohol ug laing usa gikan sa Sugbo ang negatibo sa maong sakit.
Apan, namatikdan ni Lopez nga ang DOH nalangan nga mi-report sa gidudahang kaso sa Bohol, ug midugang nga ang bata gisulayan na alang sa sakit niadtong Mayo.
Matod pa nga na-ospital ang bata sa Don Emilio Del Valle Hospital sa Ubay niadtong Mayo human makasuyop og gasoline ug human sa pagbisita sa ospital, siya adunay mga blisters sa iyang lawas.
Ang inahan sa bata dayon nag-post sa litrato sa bata sa Facebook ug nakakuha sa atensyon sa DOH. Ang bata gibutang sa isolation sulod sa 21 ka adlaw.
Nalain usab ang iyang pamilya apan wala’y bisan usa sa mga miyembro nga nagpakita og bisan unsang mga simtomas.
Sa iyang bahin, si Pilar disease surveillance coordinator Kevin Lagapa niingon nga giaprobahan sa RESU ang bata nga discharge human sa 21 ka adlaw nga isolation kay wala man siyay sintomas.
Bisan pa, ang RESU wala usab maghatag usa ka diagnosis pagkahuman sa iyang paggawas. (RTB)
