MAGPADAYON ang blended learning sa umaabot nga entrada apan sa “labi ka piho” nga mga lugar taliwala sa pandemya sa COVID-19.
Kini ang gipahayag ni Presidente Ferdinand “Bongbong” Marcos Jr. sa tigom sa mga opisyal sa Gabinete karong bag-o.
Sa tigom, gihangyo ni Marcos si Bise Presidente ug Education Secretary Sara Duterte sa pag-ila sa mga lugar diin ipatuman gihapon ang blended learning.
Una niini, gipasiugda sa Department of Education (DepEd) ang 100% nga face-to-face nga klase karong tuiga.
Ubos sa Order No. 34 niini, tanang pampubliko ug pribadong tunghaan kinahanglang mobalhin ngadto sa lima ka adlaw nga personal nga klase matag semana sugod sa Nobyembre. (RTB)
Samtang gi-imbitar ni PBBM ang tanang mga Pilipino sa paglantaw sa iyahang pinakauna nga Nation Address (SONA) ugma Hulyo 25 sa Batasang Pambansa sa Quezon City.
Hangyo niya nga ubanan siya sa maong SONA ug paminawon ang estado sa nasod alang sa mga maayong plano ug pangandoy sa Pilipinas.
Ang maong SONA mao ang pinakauna sukad niadtong 2019 nga ang kongreso maana sa 100 porsiyento nga kapasidad taliwala sa pandemya. (RTB)
