KONPIRMADO na nga mag-tandem sa Vice Mayors League of the Philippines-Bohol chapter sila Sevilla Vice Mayor Richard Bucag ug Loboc Vice Mayor Helen Calipusan-Alaba.
Kini suma pa kang Vice Mayor Bucag.
Ipahigayon ang VMLP-Bohol elections karong Hulyo 27 didto sa Bohol Tropics Resort.
Ang Sevilla maoy gibansagang “Modernong Paraiso” sa Bohol samtang ang Loboc maoy “Tipik sa Langit” o “The Piece of Heaven”.
Mga Sevillahanon usab ang kasamtangang Provincial Administrator nga si kanhi DTI ASec. Aster Caberte lakip na ang Chief of Staff sa Buhatan ni Bise Gob. Dionisio Victor Balite nga si Atty. Glenn Rey D. Anino.
Ang “Tipik sa Langit” slogan giumol sa panahon ni kanhi Mayor Leon Calipusan ug gipadayon karon ni Loboc Mayor Raymond Jala.
Sukwahi sa uban, sama sa naandan nga walay mga kasikas ang piniliay sa VMLP-Bohol ug nagpabiling malinawon kini sukad pa kaniadto. (Kahlil Lester O. Camba)
