- 10 pa lang sa 48 ka lungsod ang nagtaho
MOKABAT na sa ₱62.77 milyon ang natala nga kadaot sa agrikultura sa Bohol tungod sa padayong epekto sa El Niño, nga nakaapekto sa 2,494 ka mag-uuma. Kini gibase sa pinakabag-ong pagtimbang-timbang sa kagamhanang probinsyal hangtod niadtong Septiyembre 21.
Gipresentar ni Assistant Provincial Agriculturist Larry Pamugas ang maong datos atol sa tigom sa Technical Working Group sa Provincial El Niño Task Force.
Hinungdanong hisgutan: ang kantidad nga ₱62.77 milyon gikan pa lamang sa 10 sa 48 ka lungsod nga nakasumite sa ilang inisyal nga taho. Gilaoman nga mosaka pa ang kinatibuk-ang kadaot samtang madawat ang mga taho gikan sa nahabilin nga mga lungsod.
Mao kini ang mga lungsod nga nagtaho: Valencia ug Dimiao — ₱39.8 milyon; Buenavista — ₱18.5 milyon; Inabanga — ₱18.1 milyon; Bilar — ₱10.9 milyon; Loboc — ₱4.9 milyon; Tubigon — ₱3.6 milyon; Getafe — ₱2.9 milyon; Balilihan — ₱2.6 milyon; ug Bien Unido — ₱1.06 milyon.
Padayon ang kagamhanang probinsyal sa pagdawat sa mga taho ug pag-andam sa angay nga tabang ug suporta alang sa mga mag-uuma nga naapektuhan sa grabeng kauga. (RTB)
